~ Rev. S.K.Manlun

Amasa in Southern Manipur a Gospel tangthupha hing puoluttu PU WATKIN ROBERT leh aloite Jesu min toh jaana lienpi ipie uhi. 1910 in Gospel hing tung in mimasa Rev.Thangkhai leh Rev.Lungpau ten doi leh kau biehnate hing taisan in Jesu Khrist Mang leh Hundampa in hing pom in tuachin Gospel in igam ileitang hing jel suah ei zoutate lah jong hing tung pha ahi.Mangpa min phat in umta hen.

Manipur Solkal in Pasian thu hing lutna thei jingna ding in 7th May khu MISSIONARY day general holiday in hing puongsah hi.Hun leh nite hingpei toujel in Kum 2010 khu Gospel hinglut kum 100 chinna hing hita hi. Tammi toh kisai in Lamka Khopi a Hattuom 22 te kipawl khawm in Kum 100 chinna lopna Lamka Public ground ah kinei hi. Tam centenary ah Tuipi gal a Khrist a unaute bangjat ekhat in hing mang a, tua tham lou in Lamka tuolkuon Pasian lam a imuan mamate uh Rev.Reno L.Touthang,Exe.Director,Habitat for Humanity, New Delhi leh Rev. Dr. Ginneithang Ngaite Overseas Missionary Fellowship Phillipines ten jong hing mang uhi..Tua ban ah India gamsung a mimuan huai tamtah in jong hing mang uhi.Mizoram Presbytrain Synod apat in Rev. Chawngliana, Moderator Mizoram Preshbytarian Church synod leh Synor Choir ten jong lapawl ngaitah toh hing mang uhi.Tua ban ah Hattuom tuomtuom apat in Lapawl ngai tah tah ngaikhietna jong kinei hi.

Khovel changkang ta mama ahi man in Lamka Khopi a Centenary kijang pen Delhi tuolpi leh khovel mun tuam tuam ah Lamka a Internet lam siem pawl khat leh Pu Zolenghte panlah natoh LIVE in ana en thei jiaijuau moh tahi.Tam Gospel Centenary ah Pasian Hagau in nasem in abuai khop buai nan leh Praise & Worship Team mi 150 lam ten lapui in nop mama a, alam thei lam in khut beng thei in beng in mipi lim mama hi.

May 4,2010 nitah in Hattuom 22 ten Centenary Meisel (Centenary Torch Rally) toi in eima veng sung chiet ah kipan in Lamka Public ground juon in kipei demdum a,Lamka Khopi Meisel in tang demdum mai hi. Centenary honna Rev.Dr.Luaichinthang EBC Vice Chairman SMGCC in nei a,Centenary Flame/ Meisel halna Rev.Chawngliana Moderator MPCS in nei hi.

May 5,2010 nin Centenary souvenir honna (Releasing of Souvenir) Rev.David Swift, Evangelical Congregational Church, USA in nei hi.

May 7,2010 Zingkal Nai 05:00 Am in Hattuom chin ah Centenary Dah (Centenary Bell) satna amauh Hattuom chin ah kinei chiet hi. Suun Nai 10:00 Am in mipi tam mama a Lamka public ground in mipi dawl joulou kei hi. Centenary suong honna (Inauguration of Monument) Rev.Randall Sizemore, Director,GMC Evangelical Congregational Church,USA in nei hi.Tuaban ah Centenary Vaapal hahkhietna Releasing of Dove) jong kinei hi.Tuajouin Centenary Choir lasa ding mitam mama a, Hall sung ah lapawl sa ding ten touna tang joulou in Hall pulam ah dingden kei ua, asung leh apua ah lawpawl sa in ding kei uhi.Ten Thousand Voice Choir/ Mi singkhat in Halehluiah chorous huaisetah in kinei hi.Tua jou in mibangjat e khat kitel khie ten (Selected person ) Centenary dah sastna nei uhi.Anipini sun kikhop ah Pu L.S.Gangte chairman SMCC in kikhopna pui in nuam mama hi.Tua jou in Khantanhoi jal a mimasate jatatna (Honouring the Gospel Pioneer) adieh in Pu Savawma, Pu Thangchingpui, Pu Vanjika, Pu Lungpau leh Pu Thangkhai leh Pu Kamkholun Chief of Senvon te jatat na Rev.Lalrosiem General Secretary MSGCC in nei a, Upa T. Phungzathang in thumna toh suunna nei hi. Tammi sun in Lapawl umlou in mite mittaina ding in choreography EBC, MELC,ECA leh EAC ten bawl uhi.Mipi in May 7,2010 nipen nuom tah in kijang a,touna tang joulou mitam tah um a, nisa tangnuai ah nisa thuoh in mang vevo uhi.

Centenary hun a Thugenpi :

Rev. Dr. Geoff Tunnicliffe,
International Director World Evangelical Alliance

Centenary hun a greetings pete :

1. Upa T.Phungjathang Tonsing,
Hon’ble Mins, Govt. of Manipur.

2. T. Manga Vaiphei,
Hon’ble MLA Henglep A/C

3. V.Hangkhanlian,
Hon’ble MLA Thanlon A/C

4. Ms.Jachintha Lazarus,
Deputy Commissioner, CCPur

5. Rev.Dr.Lalmuoklien
President, CCPur Dist. Christian Goodwill Council