Jan 15–17, 2010 MELC Hq. Church, Zomi Colony ah ELWA 50 Golden Jubilee lawpna thupitah i\kung ah piehkhietna nei ua, MELC Website honna Director of Ministries in nei hi. Annual Council ah Pro-Pastor 3 installation na leh Upa 5 Ordained na Bishop MELC in nei hi.

Pro-Pastor teng –

1. Tv. T. Chinlunmang s/o T. Ginzadong of Central Church, Tuibuong
2. Ginsuanthang s/o Upa Pumminthang, Imphal
3. Tv. Kapsuankhup s/o Vialkhanthang of Hq. Church, Zomi Colony.

Upa Ordained teng –

1. M. Lianzakhai s/o M. Kamzakhai of N. Leitan
2. Awnkhanhau s/o (L) Khualhau of Suangphu
3. M. Jangkhohau s/o (L) Lianzakam of Shillong
4. T. Kamzadou s/o (L) Khailam of Bethel Chapel, Hiangzou
5. B. Nengzamang s/o Upa B. Enzakap of Simveng

Manipur Southern Gospel Centenary

(Kum 100) chinna Pawl tuomtuom ten zang ta uhi. Manipur gam adiah in Churachandpur Dist a Denomination 23 val kigom ten Manipur Kumpi hing theipina bang leh a ni dihtah May 5–7, 2010 sung teng Lamka Play Ground ah thupitah in nei ding ua, Sap gam pan leh mun tuomtuom pan zinlian hing zin ding uhi. Koipou tam Centenary lopna a pang chiet dingin Publicity Information apat chial ihi.

Rev. Anders Salomonsson Programme

Officer Latin America/Europe/Asia/Church of Sweden, Lutheran lamkai khat in ELCITHS vena leh etkhietna ahing nei sawm a, ei MELC te vena 23/02/2010 Thawlenni in hing nei ding a, tam vaiguon atam theipen a na lamdawn dingin Pawlpi mite koipou ikichiel uhi. Dt. 24/02/2010 nitah lam chiengin Assam a Pawlpi nite BELC leh AECC te vena nei dinga 1st March 2010 chieng leh UELCI Office ah LMCI Meeting na ah amapa Special Invitee in Executive Secretary UELCI in chialna bawl a, tuazou chieng leh Sweden lam zuan in leng kia ding hi. Thumpi vai. A hing visit na in gaa ahing suo ding ikinem hi.