~ P. Khamminlun, General Secretary, LYF.

Lutheran Youth Fellowship in kum thum dan a Khawmpi nei jel ahi dungjui in, Khangpidaw Gospel Olympic 2010-cum-53rd Annual Session January 21–24, 2010 Singngat MELC ah nei ahia, Pasian panpihna toh lawchingtah a jawh ahita.

Khangpidaw Thupi “Malamnaw un... Phi. 3:12 pansan in Rt. Rev. Dr. Ginkhanmung apan Sermon hun 2 vei leh Rev. Kamminthang, Shillong apan Sermon hun 1 vei ngai ahi. Zingmawng Devotion Rev. Khaamthang, Moreh leh Rev. Ph. Nangkhanlal, Behiang ten Pasian thutah genna thazawhtah in nei uhi. Khanglaite’n tahsa leh hagau lam ah kipahna leh halthana tang uhi.

District LYF tengin Report pethei uhi. LYF Headquarters Departmental Secretaries ten Report ngainuam huai tah tunkimnitah in nei thei uhi. General Secretary in LYF activities tomkim in reportna jong nei hi.

Khristian khanglaite apan phatna la lungsim khoih thei mahmah mai Biah kikhop tengin ngaikhiet in um hi. Khangpidaw mang jousie thu leh la ah tai mama uhi. District LYF chin injong lapawl leh phatna la kilawm leh ngai tahtah sahna nei juajua in, mipite tahsa leh hagau lam ah kitai hi.

Thu leh la ah kidemna-District leh local level in lawchingtah a nei ahi a, Female Voice Kidemna : 1st Simveng LYF, 2nd Central Choir. Male Voice Kidemna : 1st Sangaikot LYF, 2nd Simveng LYF. District Choir Kidemna : 1st Lamka District, 2nd Gundung District. Volley Ball Numei leh Pasal ah Gundung Dist in 1st la tua uhi.

MELC Choir in Biah kikhop tengin la ah hingpui in, mipite thathousah mama uhi. Singngat Hausapu, Upa Khupkhan-hau @ M.K. Thomas in a thugenna ah Khanglaite thathousah mama hi. “Tu leh tua Khawmpi Hall bawlna mun, Minister ten Hospital mun dingin hing pien len, Sepna (Service) nih/thum hing pe va ung chi’n hingna ngen uhi,” ken Khanglai/ khangthahte toh Pasian ka Biah khawm nang uh ahi chiin kana pe phal sih hi’n, tuni’n hi mun a Pasian i biahkhawm thei uh kakipahna lian hi achi in Khanglaite ngaituahna khoih kha mama hi. Hibanga Pasian nei Hausa inei kipahpihna leh Pasian tawisangna’n mipi’n khut kibeng juajua hi.

Khangpidaw Programme hing uap a, tha leh jung, sum leh pai, thu hoih-thupha toh khanglaite hasawtna hing nei, lamkai tuamtuamte khanglaite dinga manpha uhi.

LYF 53rd Annual Session District teng apan palai kum dang sangin tam mama hi. Session na ah, Pastor leh hattuam Upa tamtah ahing teltheih man un Khanglaite vaihawmna piching hi. Tualeh LYF in MELC Pastor teng telkimna Khawmpi ahi chiin chiamteh in um hial hi. Pasian panpihna toh thu leh la ah gualjolna kitang hi. Khawmpi sung ngei in jong, Khanglaite’n sil hoih kijuithei ta in, Pasian kitawisang ta hi.

Vaihawmna lawchingtah a joh ahitoh kitawn in, Election Commission Rev. Hangminthang, DS Singngat leh Rev. Kamminthang, Shillong hun pie ahi ua, LYF Office Bearers 2010–2012 ding Palai 130 ten kitelna lungkituotah in kinei a, aney abang a tel ahi.