Amasa in ELCITHS Women leh ELWA Head Quarter tha taang in, zalenna leh suatat na hing pia Mangpa Jesu Christ min in kumtha leh Golden Jubilee chibai ka hing buh hi.

One thousand millinium apat two thousand millenium hingpui kai a ELWA Golden Jubilee hing musah i Pasian min phat in um ta hen. Nupawl kiphu khietna kum 1960 apat a lamkai hingna mualliam sante isun ua, tualeh hing dampi nalai te tung ah kipah thu nasatah in igen uhi. Pasian jal leh amaute pan lah na jieh a tuni a eiten Jubilee lawm thei ihi uh chi thei lei dei huai
is sa uhi.

Awle, Mangpa’n ichi, inam leh i hattuam ahingpuitou zel in, tunia MELC huang sunga nupawl ten Pasian gam na ithei kham kham ua isep ibol te uh tahlang thei a i um jieh un kipah huai isa uhi. Tua te tam anuai a bang ahi:-

2009 kum sung in Office Bearer Committee leh Standing committee 3 vei tua aki neithei hi.
Zomi Colony H.Q.Church lamna ding in Rs.20,000/- pia ahi.

District chin report review na akinei a, ihat na leh hatla na te mukhiet in aum a tuana pat in nu ten pan hing laa in khochin vehna leh seminar nei ding a pha sah ahi.Tam tour a ki taangkou pi ahileh “Missionary ann ngawl a thuumna nei “ apoimaw daan, “Daan siang a kikhutsuina
manphat daan” thu te leh “Women Empowerment” thu te ahi. Tami tour/seminar toh kisai a zat ding in veinat na nei leh mi kiphal ten Rs.5000/- ahing tua uhi.

Mangpa mapui na toh tour/seminar lohching tah a zat ahi nua in H.q.Church, Zoumi Colony ah Tour Report piana akinei hi. Mabaan a pan la ding daan genkhawm ahi nua in Pa te kung a tut tou ding a pha sah ahi. Tuami dung jui in amaute’n pan ang laah jia un nuam thu itut uhi.

Tualeh Pasian in Jubilee mangthei ding dinmun a ahing mapuii toh kiton in Jubilee Budget ding in Rs.1,50,000/- bikhiah ahi.

Veinatna toh kum 2006 apat 3 yrs plan project, Orphan Home khat bawl ding chi’a ginna a pan ila na uh Mangpa’n hing lohching sah in tukum akum 3 chin na toh kiton in i Project “VONDEI SAULIIM” melmu leh honkhait thei a aumtah jia in Pasian min iphat uhi. Tam Project ding a ann ngawl thuumna a isum kholkhawm te ua pat Rs.1,000/- tua Tv.Dongminthang, s/o (L) T.K.Mang leh Tv Kapsuanhau, s/o (L) Khamminthang te aki panpi hi. Vondei Sauliim a umding naupangte 15th Oct., 2009 in minkhum na akinei hi. Tu leh tu in numei naupang 2 leh pasal naupang 3 etkol ahi. Vondei Sauliim Managing Board aki
phut khia a, tualeh 14th Nov., 2009 ni in Nu.Mannuamching, S.D.O., Churachandpur in Zoumi Colony H.Q. Church Campus ah ahonna anei a, Guest of Honour in Tv.Thongkhanlal, Dy.Comdt.CRP leh Pa Thanglianhau, Dy.Comdt., BSF te apang  uhi . Tualeh Bishop in alatna anei hi. Tuami ni in mi kiphal leh tawmngai te a pan Rs.15,000/- mu ahibaan ah Life member leh Petron member ding jong mu ahi.

Mitawmngai leh kiphal koipou apang ut a umleh bangchi hun lai a zong pan thei ahi jing hi. I kipatna uh neunou khat hi naanleh Mangpa muang kawm kawm in pan la in kal suan jing pou lei lianpi hing tut thei ahi chi thei lei kanuam hi. Ginna a kalsuan te i hi na uah, i Pa uh Abraham bang in i Pasian muang kawm in kalsuan lei aman hing panpih tontung ding ahi. Saulim naupangte ka mopuah na ahi chi thei chiet va ui, unaute aw!

ELWA nupawl khu, MELC khut leh keng poimo tah khat ana hi ton tunga, tuachin sep leh bol, don suh don tou zong atam a, akim sipsep in tahlang jou sih nan lei zong tulai hun a atangpi a isepkhiet, ithei ding ua kilom hunkhat gen khom vai.

* 1995 kum in Office tung ilam ua.
* MELC Compound sung ah Quarter room 4 zong ilam ua. Alua man room khat ah Rs.250 ahi. Tuleh tu in rooom ni pen Vondei Sauliimm in alua hi.
* Gundung a Tuining MELC Pastor Quarter zong Pasian panpi na zalin tun ding ahi. Alua man ahi leh Rs.300/- ahi.
* Tuaban ah i semtute lah a Ibemcha (Chairel Mission field) leh i Women Promotor nu te a Laisiangthou zil lai ua pat ina chom ua, tuni tan in Pasian panpi na toh aloh uh zong ipetou thei zeel uhi. Tuazia in Unau, hasa vevaw a isum leh pai tuah te leh itha ijung sente uh mawmei a umlou ahi chi atha in thei vai. “Phunlou in pevai, sem vai; itha tol leh zong sem tuntun vai”. Mangpan hing gualzawl tou zel ding ahi chi thei zing kawm in kalsuan zel va ui.
* Hagau lam khat tou na dingin Camp/Seminar te aki nei jel hi. Akipah huai khat ahi leh Mangpa’n nute hitui luanna amang ngil sih a, ithum na te uh hing san pia in ‘VONDEI SAULIIM’ (Orphan Home) ahing tunding pia tahi.

Thumna leh itna silpieh toh Manggam a dia isepthei na sun uh ahi chi gelkawm in pan latha chiet vai. Atopna ding in 50yrs. Golden Jubilee lopna a, gim leh tawl khosalou a tha leh jung hi seng te leh a misiangthou hing pei khawm te tung ah kipahthu igen sawnsawn uhi. Tam Jubilee in i saltaan na chiet ua pan suataatna, zalenna hing pe chiet dingin deihsah na sangpen iki pia uhi. Pasian gam a dia isepna uah nidang sanga hatzaw sem leh tam zaw sem isep thei nading un Mangpa’n hing panpi chiet ta hen.

Jubilee man nuam......... Manggam a seppi uh,

Sd/-
(Nu MOINIANG)
General Secy.,
Evangelical Lutheran Women
Asssociation