Lamka, November 13, 2009: MELC thuthang editor apat thutut kimu dan in November 14, 2009 – 11AM in Zomi Colony a Manipur Evangelical Lutheran Church te huongsung ah Pastornu Mannuamching MCS, SDO/BDO CCpur in zin-gun hina toh Vondei Sauliim (nu-le-pa beite kepnamun) honna nei hi. Tua hun ah Pu Thongkhanlal Taithul, Dy Commandant CRPF leh Pu Thanglianhau Tungnung, Dy Commandant BSF te Guest of Honor in pang uhi.

Tam Vondei Sauliim ahileh MELC sunga numei pawl Evangelical Lutheran Women Association (ELWA) pawl in Zou sunga kem ding nei lou tagate etkolna dia ginna toh ana pat uh ahi.

ELWA GHQ Chairperson, Pi Mawinieng in agen dan in tam Vondei Sauliim pen dangka teng 1 zong nei masalou pi a, ginna toh kalsuon pum a ana pat uh hin gen hi. Tuni chiengin nu-le-pa bei naupang hunkuomtah neita uhi. Official a hon hinaisih nanleh taga naupangte amu chiengin um mei mei thei lou in ana enkol panta uh chithu kiza hi.